- Դասերի ժամանակ Կոմիտասը խիստ ու պահանջկոտ էր, իսկ առօրյա կյանքում` կատակասեր ու պարզամիտ։ Նա չէր խուսափում իր աշակերտներից, միշտ մտերիմ էր նրանց հետ։
- Իր սիրելի սաներին ու մտերիմներին անվանում էր «քէրթէնքէլէ»՝ մողես, և ինքն էլ մողեսի տեսքով կրծքազարդ ուներ:
- Մանկության տարիներին, Քյոթահիայում, նրան անվանում էին «Թափառական փոքրիկ երգիչ»։
- Խոսում էր Հայաստանի տարբեր բարբառներով։20
- Շատ գեղեցիկ ու կոկիկ ձեռագիր ուներ:
- Երբ Կոմիտասը ձայնագրում էր Էջմիածնի շրջակայքի գյուղերում երգվող երգերը, գյուղացիները նրան տվել էին «Նոտայի Վարդապետ» անունը:
- Համերգներից մեկի ժամանակ հաջողվում է հավաքել այդ ժամանակների համար շատ մեծ գումար` 1000 ոսկեդրամ: Ողջ հասույթը Կոմիտասը նվիրաբերեց ազգային հիվանդանոցին:
- Սիրում էր նարդի խաղալ։ Խաղում էր արագ, եր
- կու ձեռքով: Հաղթելու դեպքում Կոմիտասը խաղակցին ասում էր. «Դե, գնա, բաբայիդ բարև արա», իսկ երբ պարտվում էր, վեր էր թռչում ու գնում վազվզելու երեխաների հետ:
- Շատ ծաղիկներ էր սիրում: Նրա բնակարանը միշտ զարդարված էր թարմ ծաղիկներով՝ իր սիրած վարդերով ու մեխակներով, որոնք սենյակը լցնում էին անուշ բույրով:
- Նա չէր խմում, չէր ծխում: Ամառ, թե ձմեռ՝ քնում էր մշտապես բաց պատուհանով: Պառկում էր ուղղակի
հատակին՝ առանց ներքնակի ու բարձի:
